പ്രണവ് മോഹൻലാൽ ആദ്യാമായി നായകനായി അരങ്ങേറിയ ചിത്രമാണ് ആശിർവാദ് സിനിമാസിന്റെ ബാനറിൽ ആന്റണി പെരുമ്പാവൂർ നിർമിച്ച് ജീത്തു ജോസഫ് കഥയും തിരക്കഥയും എഴുതി സംവിധാനം ചെയ്ത ആദി.
അദിതി രവി, സിദ്ദിക്ക്, ലെന എന്നിവർ പ്രധാന വേഷത്തിൽ എത്തിയ ചിത്രം, മലയാളത്തിലെ ഈവർഷത്തെ ഏറ്റവും വലിയ വിജയ ചിത്രമായി മാറിയിരുന്നു.
ജനുവരി 26ന് റിലീസ് ചെയ്ത ചിത്രം മികച്ച പ്രേക്ഷക പ്രതികണത്തോടെ 11500 ഷോകൾ പിന്നിട്ട് കേരള തീയറ്ററുകളിൽ മുന്നേറുന്ന കാഴ്ചയാണ് കാണുന്നത്.
ഫെബ്രുവരി 15ന് ജിസിസി റിലീസ് നടന്ന പ്രണവിന്റെ ആദിക്ക്, ഇന്നുവരെ ഒരു പുതുമുഖ താരത്തിനും ലഭിക്കത്തതിൽ ഏറെ സപ്പോർട്ട് ആണ് ലഭിച്ചത്.
ആദ്യ 3 ദിവസം പിന്നിടുമ്പോൾ, 588 പൂർത്തിയാക്കിയ ചിത്രം 2.15 കോടി ഗ്രോസ് കളക്ഷൻ ആണ് നേടിയത്. 35872 ആളുകൾ ഇതിനോടകം ചിത്രം കണ്ട് കഴിഞ്ഞു.
